Seltjarnarnes og golfvöllur 7,5km

Á Seltjarnarnesi má finna góða hjóla- og göngustíga er bæði tengja saman bæjarhluta og liggja um falleg náttúrusvæði t.a.m. Gróttu og umhverfið við Bakkatjörn. Þessi 7,5 km hringur liggur meðfram Seltjarnarnesinu og golfvellinum og hefst hefst við bílastæði Gróttu. Eftir það höldum við meðfram stígnum í átt að svæði golfklúbbsins.Við göngum með Bakkatjörn á vinstri hönd og sjóinn á hægri. Við færum okkur svo yfir á malarstíg sem liggur meðfram golfvellinum, umgjörðin og náttúran við hann er einstök. Haldið er svo áfram Suðurströndina allt niður að Norðurströndinni og aftur að bílastæði Gróttu. Stórkostlegt útsýni er frá nesinu út yfir Faxaflóa og sólarlagið þar þykir undurfagurt.